Colectivos LGTBI piden ante o Congreso que se tramite con rapidez a lei trans

Varios colectivos LGTBI concentráronse este xoves diante do Congreso dos Deputados para esixir a rápida tramitación da coñecida como lei trans.

Fixérono levando a bandeira do colectivo transexual ata o Congreso coa intención de que a asinasen os distintos grupos parlamentarios. Piden que se acelere o trámite parlamentario da lei, que non recorte os dereitos do texto aprobado polo Consello de Ministros e se impulsen as melloras necesarias para amplialos.

A tramitación desta lei está a ser un motivo de conflito entre os socios de Goberno despois de que o PSOE volvera a pedir unha semana máis de prazo para presentar emendas.