Comeza unha nova edición da MOEXMU en Cospeito, a feira de referencia na gandería
Comeza unha nova edición da MOEXMU en Cospeito, a feira de referencia na gandería
A feira e mostra chega aos 40 anos cunha asistencia masiva de participantes
O gando vacún e a maquinaria agrícola volven ser os protagonistas
O protagonismo nesta xornada inicial da Moexmu foi para os gandeiros. Concretamente para os máis novos e incluso os menores.
Dedicaron todo o día a preparar as vacas de xeito que queden co mellor aspecto posible para os concursos morfolóxicos. Unha tarefa para a que hai que poñer moito esmero.
A mellor noticia que trae a Moexmu é que a remuda xeracional no sector leiteiro galego semella garantido.
E é que a media de idade dos participantes nos concursos tanto de manexo como de preparación dos animais é cada vez máis baixa.
Para os xuíces dos concursos non vai ser doado elixir os animais e os gandeiros gañadores xa que é un sector onde todo o mundo se coñece e o nivel é moi alto.
Ademais das vacas, a maquinaria tamén ten un amplo espazo.
As casas comerciais non queren perder un evento dirixido a uns gandeiros cada vez máis profesionalizados.
A mostra conta tamén cunha ampla oferta de artesanía e oficios tradicionais de Galicia.
