Competencia investiga a Apple e ameaza cunha sanción de 35.400 millóns de euros
Competencia investiga a Apple e ameaza cunha sanción de 35.400 millóns de euros
A sanción pode ser de ata o 10 % do volume de negocio total mundial da empresa
Investiga "posibles prácticas anticompetitivas" nas condicións comerciais da distribución de aplicacións
A Comisión Nacional dos Mercados e a Competencia (CNMC) está a investigar a Apple por "posibles prácticas anticompetitivas" consistentes en "impoñer condicións comerciais non equitativas" aos desenvolvedores que utilizan as tendas de aplicacións (apps) do grupo Apple (Apple App Store) para distribuír aplicacións aos usuarios de produtos da empresa.
A sanción pode ser de ata o 10 % do volume de negocio total mundial da empresa, que equivale a uns 35.400 millóns de euros.
"A investigación iniciouse de oficio, dada a relevancia que está a cobrar en España a actividade económica que leva a cabo nas tendas de aplicacións", destacou o regulador nun comunicado.
En caso de confirmarse, as condutas poderían constituír un abuso de posición de dominio, prohibido polo artigo 2 da Lei de Defensa da Competencia (LDC) e o 102 do Tratado de Funcionamento da Unión Europea (TFUE).
