Complicacións na autovía A-52 polo peche do túnel da Cañiza
Complicacións na autovía A-52 polo peche do túnel da Cañiza
O desvío supón un rodeo duns doce quilómetros por estradas nacionais
Dende o luns ata o mércores está cortado en sentido Ourense e dende o mércores, en sentido Vigo
O túnel de Folgoso en dirección Ourense xa está pechado ao tráfico. Os vehículos teñen que saír da A-52 para coller o desvío por Fontefría ata que poidan retomar a autovía, o que supón dar un rodeo duns doce quilómetros por estradas nacionais.
O xoves e ata o próximo sábado quedará pechado o túnel en sentido inverso, é dicir, en dirección Vigo e vehículos volverán coller o desvío por Fontefría. Trátase da principal conexión polo sur de Galicia coa Meseta española, de maneira que son moitísimos os condutores afectados.
O peche débese ás obras de reparación dos danos como consecuencia dos temporais e o derradeiro incendio dun vehículo, dentro do propio túnel, hai un mes.
Está previsto que o túnel permaneza pechado ata o próximo sábado ás doce da noite.
