Concentración contra a trata de mulleres en Maside

Unha trintena de mulleres concentráronse esta tarde perante o club Ninfas de Maside.

Convocadas por Feministas de Galicia, leron un manifesto en memoria de Mila Marchetti, a muller que o domingo pasado apareceu morta na planta do lixo do Carballiño, e que traballaba neste club e casara recentemente co fillo do dono.

Piden que continúe a investigación sobre as estrañas circunstancias da súa morte e que se adopten medidas efectivas contra a trata de mulleres.