Concentración en apoio á familia do biólogo canario que ía no Villa de Pitanxo

A familia de Manuel Navarro, o biólogo canario que ía no Villa de Pitanxo, quere darlle sepultura. Por iso, reclaman unha busca profesionalizada do barco e dos desaparecidos en augas de Terra Nova. 

Este sábado concentráronse diante da Delegación do Goberno en Gran Canaria para pedir que se reactive a localización do pesqueiro e se poñan todos os medios para recuperar os corpos, no caso de que se atopen no interior.

Confían tamén en que o descenso ata o barco axude na investigación para esclarecer as causas do afundimento.