Concentracións de Vox en Galicia pola suba dos prezos

Para Vox, empresarios, autónomos, traballadores e familias viven asfixiados como consecuencia das políticas de Pedro Sánchez. Políticas que, consideran, desembocaron na suba dos combustibles, no incremento do prezo da luz ou da cesta da compra.

Contra esa escala de prezos Vox convocou concentracións en varias cidades galegas. Contra o mediodía ducias de persoas concentráronse na praza de María Pita da Coruña baixo o lema "Hai que botalos". Os asistentes esixiron a dimisión do Goberno, que consideran ilexítimo.