Condenado a ano e medio de cadea un carteiro galego que acumulou 3.700 envíos sen repartir
Condenado a ano e medio de cadea un carteiro galego que acumulou 3.700 envíos sen repartir
Está acusado dun delito continuado de infidelidade na custodia de documento
Tamén terá que pagar unha multa de mil euros e queda inhabilitado durante tres anos e medio para calquera traballo relacionado co envío de paquetería
A Audiencia Provincial da Coruña condenou un carteiro que acumulou 3.700 envíos sen repartir entre febreiro e xullo de 2019.
Tras un acordo de conformidade entre as partes, o carteiro foi condenado a un ano e medio de cárcere e ao pagamento dunha multa de 1.080 euros por un delito continuado de infidelidade na custodia de documentos, é dicir, por non cumprir o seu deber de sixilo, seguridade e entrega dos envíos.
Ademais, queda inhabilitado durante tres anos e medio para emprego ou cargo público e para realizar calquera traballo relacionado co envío de paquetería.
A maior parte das 3.700 cartas, paquetes e envíos que acumulaba indebidamente foron atopados por responsables de Correos no coche do carteiro tras recibir numerosas queixas da veciñanza.
Na sentenza, o tribunal tivo en conta como atenuante a grave adicción ao alcohol do condenado.
