Confirmada a pena de cárcere para o empresario que alugou dous pisos que non eran seus en Baiona

A sección da Audiencia Provincial en Vigo confirmou a pena de dous anos e medio e un día de cárcere por estafa para o administrador dunha empresa que alugou como seus dous pisos que tiñan novo dono.

Os feitos datan de 2014, en Baiona, e o engano supuxo para os inquilinos un trastorno importante cando o propietario tivo que pedir á xustiza o desaloxo dos inquilinos, o que logrou dous anos despois.

Segundo a resolución, o condenado coñecía que os seus dous pisos foran adxudicados en poxa á inmobiliaria dun banco como consecuencia dunha execución hipotecaria forzosa.