Confirmados dous mosquitos tigre na parroquia viguesa de Lavadores

Segundo os veciños da zona máis proxima á Igrexa e o pavillón de Lavadores, os insectos estanse avistando no estanque posterior ás vivendas de Rivera Atienza. Na zona atopamos persoas que afirman que o insecto lles picou a eles ou aos mozos que adoitan frecuentar esta zona. A Xunta confirmou dous exemplares. No barrio hai tamén turistas cataláns que levan sufrindo o insecto desde hai quince anos.

Desde a Administración galega salientan que os exemplares atopados en Galicia non están contaminados por doenzas graves. E lembran tamén como protexerse: instalar mosquiteiras, usar repelentes, levar as extremidades cubertas, evitar as augas estancadas ademais de extremar a hixiene e a limpeza.