Outra noite tensa na Coruña con colectores ardendo a 24 horas da "emerxencia sanitaria"
Outra noite tensa na Coruña con colectores ardendo a 24 horas da "emerxencia sanitaria"
En só dúas horas, entre as 3:00 e as 5:00 da madrugada, prendeu lume en oito puntos distintos
A alcaldesa Inés Rey esixe que "remate a violencia" e di que non vai ceder á chantaxe mentres o sindicato STL asegura que non ten relación coas actos vandálicos na crise do lixo
![Traballos de limpeza de colectores queimados durante a noite na Coruña](https://img-g24-crtvg.flumotion.com/prog24/2024/20240721/ENGBRLIXOEVANDALISMO_frame_1985.png)
Na Coruña, repítense os actos vandálicos dos últimos días. Os bombeiros están despregados pola cidade tratando de apagar os lumes que van prendendo en distintos puntos.
O primeiro incendio rexistrouse nun colector da rúa Alcalde Abad Conde, no barrio de Labañou, pouco despois da unha da madrugada. A partir de aí, sucedéronse os actos vandálicos. Hai colectores ardendo a estas horas en moitos puntos e algúns vehículos afectados tamén polas lapas. Só dende as tres ás cinco da mañá prendeu lume en oito sitios distintos. Os barrios máis afectados están sendo os de Labañou e o Castrillón.
Mañá remata o prazo de 72 horas que deu o Concello a sindicatos e empresa para lograr un acordo que permita a recollida do lixo, en caso contrario, decretará a emerxencia sanitaria na cidade. Contratará outra empresa, con cargo a Prezero, para a "recollida de xeito excepcional" do lixo, porque neste momento danse as condicións sanitarias, ambientais e legais.
O STL abriuse esta semana a ter a cidade limpa en dous ou tres días se se retiran as sancións contra os traballadores.
![Arden varios colectores nunha rúa da Coruña/ Bombeiros da Coruña](https://img-g24-crtvg.flumotion.com/prog24/2024/20240720/incendiocontedorescoruna.png)