Continúa a busca do home de 82 anos desaparecido en Laraño dende o xoves
Continúa a busca do home de 82 anos desaparecido en Laraño dende o xoves
O octoxenario padece párkinson e podería estar desorientado
A Unidade de Drons da Axencia Galega de Emerxencias (Axega) incorporouse ao operativo de busca de Jesús Rodríguez, un veciño de 82 anos de Laraño, no concello de Santiago, que leva desaparecido desde a tarde do xoves.
O 112 Galicia tivo constancia da desaparición a través da chamada dun familiar do desaparecido ás 21:45 horas do xoves, xornada na que tamén se presentou denuncia ante a Policía Nacional. Segundo a información facilitada, o home saíra da vivenda pola tarde e non volvera.
No operativo participan a Garda Civil, a Policía Nacional e Local, Protección Civil, a Unidade Canina do GES de Brión, os cans de rescate de Salvamento de Galicia e, dende este sábado, os drons da Axega.
A Asociación de Veciños A Xunlla de Laraño publicou en redes sociais unha fotografía do home e advirte que padece párkinson e que pode estar desorientado. A última vez que o viron vestía un pantalón azul e un suadoiro verde.
