Continúa aumentando a presenza de turistas en Galicia
Continúa aumentando a presenza de turistas en Galicia
No que vai de ano xa hai un dez por cento máis de visitantes que en 2022
Tamén se incrementou o número de peregrinos
O turismo volve superar os datos do ano pasado. No que vai de 2023 aumentou un dez por cento, unhas cifras que afectan a todo o territorio, tanto á costa coma ao interior. A Ribeira Sacra, onde nos atopamos, é un dos lugares con máis visitantes, onde máis se aprecia esta explosión do turismo.
Constatámolo porque a maior parte dos establecementos turísticos rozaron o cheo total durante este verán. Tamén melloraron os datos respecto aos peregrinos. Houbo un tres por cento máis de persoas que selaron a Compostela en comparanza co ano pasado, que xa foi de récord.
Agora que estamos rematando o mes de agosto continúan as reservas para os próximos meses, unha proba de que Galicia é un destino turístico de moda.
