Organizacións de voluntariado traen a España máis familias ucraínas
Organizacións de voluntariado traen a España máis familias ucraínas
As organizacións insisten na axuda organizada con institucións para evitar as mafias
Unha viaxe chea de incertezas con moitos seres queridos que permanecen en Ucraína
Xa están en España os 14 refuxiados ucraínos, mulleres e nenos, que chegaron co voluntariado da asociación Dya. Relatan as dificultades de rescatar persoas que foxen, que buscan calquera destino posible ao que ir, e que van tomando decisións dun momento para outro segundo se presentan as oportunidades.
"Chegan moi cansos, con pánico, a un país onde non coñeces o idioma, nin a ninguén, con nenos", asegura unha das colaboradoras.
"As persoas que traíamos nós sorriron por primeira vez cando entramos en España", comenta outro.
E esa resposta, gratificante, foi a que tamén tivo María del Mar García en Puertollano. A súa xa era unha familia de acollida durante o verán. Uns días antes de comezar a invasión en Ucraína a familia de Kíiv envioulles a España tres das súas fillas para poñelas a salvo. Hoxe despedíanse de novo pero por boa causa.
"Eu agardaba que quedasen máis tempo comigo pero súa nai e súa irmá están xa en España, en Oviedo nunha residencia e vanse reunir todas".
Son historias individuais que se repiten e que dan boa conta do que está sendo este exilio, máis duro aínda para quen menos ten. En Almería xa está todo listo para saír cara aló.
"A idea é poder recoller a 22 nenos que están nun orfanato cos seus catro un cinco titores. E se temos a oportunidade de traer máis xente, a idea é esa", explica un dos voluntarios.
As organizacións e institucións insisten en que as iniciativas de recollida non deben ser improvisadas para evitar riscos e desconfianza de persoas moi vulnerables.
