Convincente triunfo do Río Breogán diante do Bilbao Basket (86-70)

O Río Breogán logrou a terceira vitoria da temporada logo de superar con autoridade o Bilbao Basket (86-70) no Pazo dos Deportes.

Os galegos melloraron moito a imaxe con respecto ao partido fronte ao Gran Canaria e dominaron desde os instantes iniciais.

Sergi Quintela foi o mellor do partido con 16 puntos e 23 de valoración. Víctor Arteaga, con 14 puntos e 7 rebotes, tamén salientou nun equipo brillante desde o punto de vista defensivo.

Mrsic valorou ao final o bo partido xogado polo seu equipo, especialmente no treito final. O técnico cre que o público deulles unha boa dose de enerxía, pero os xogadores tamén saíron con enerxía e iso fixo posible o triunfo.