Cortado por obras o paso a nivel de Reboredo, en Monforte de Lemos

Está cortado desde este mércores o paso a nivel do Reboredo (Monforte de Lemos) por mor das obras de mellora da vía do ferrocarril entre Monforte e Ourense.   

Este paso a nivel está situado no centro urbano da localidade, e permanecerá pechado ao tráfico doce días.

A Policía Local sinalou os traxectos alternativos para a circulación rodada tanto para acceder como para saír do centro da vila.

Salvo imprevistos na execución das obras, o paso reabrirase ao tráfico o próximo 15 de abril.