Corte de tráfico esta madrugada nun tramo de A-55 polas obras da autovía Tui-A Guarda

As obras do tramo da autovía Tui-A Guarda entre os enlaces da A-55 e do polígono de Areas farán necesario un corte de tráfico nocturno desde as 22:00 horas deste mércores e ata as 6:00 da mañá do xoves, segundo informou a Xunta.

Este corte é necesario para proceder á montaxe de vigas metálicas do paso superior en forma de glorieta sobre a autovía, coa fin de poder dar servizo aos ramais, no tronco da autovía e a conexión coa N-551.

Neste sentido é necesario o corte total de ambas calzadas durante esta noite para executar os traballos en condicións de seguridade e cando menos condutores hai nesta vía.

Co obxectivo de poder dar servizo á circulación polo itinerario alternativo, desde a saída 29, sentido Portugal, usarase a estrada autonómica PO-340, incorporándose á N-550 e posteriormente á N-551 polo termo municipal de Tui. O mesmo percorrido será en sentido O Porriño, pero á inversa.