Coudet asegura a súa continuidade: "Aquí estaremos"
Coudet asegura a súa continuidade: "Aquí estaremos"
"Para dar o salto necesitamos máis cousas", o técnico comentou unha vez máis a necesidade de reforzos para competir por obxectivos máis ambiciosos
O Celta acaba de facer oficial que Nolito non continuará vestindo a camisola celeste
Era unha das incógnitas de cara a vindeira tempada, e máis coa chegada de Luis Campos á dirección deportiva, a continuidade ou non de Coudet a fronte do banco celeste. Logo dese ruxe-ruxe da selección chilena, hoxe o técnico arxentino quixo confirmar que o vindeiro ano adestrará o Celta.
Falou da ambición, do futuro, do conformismo só coa permanencia. O técnico arxentino insiste en que precisan reforzos e moitas máis pezas para loitar por obxectivos de maior ambición. Por iso recalcou a importancia dos últimos partidos, para quedar o máis arriba posible e recibir a maior cantidade de cartos posible para así poder realizar as fichaxes que se pretenden.
No aspecto individual, preguntáronlle a Coudet se Nolito seguía a ter nivel para Primeira División. El dixo que si, ao 100%. Porén, fai escasos intres o Celta acaba de facer oficial a non continuidade do gaditano coa celeste, que non vai renovar e que recibirá, segundo comentan, unha homenaxe por parte da afección celtiña.
Calidade, goles, agarimo, arte... e HISTORIA do #RCCelta 💯 O celtismo despídese de #UnDosNosos
— RC Celta Galego (@RCCeltaGL) May 14, 2022
Eternas e infinitas grazas, Nolito 🙏💙#GrazasNolito
