Coudet: "E que dixo de raro Iago Aspas?"
Coudet: "E que dixo de raro Iago Aspas?"
O Celta busca a vitoria en Almería logo de catro xornadas sen gañar
Coudet: "Aspas non dixo nada raro cando cando afirmou que baixou a calidade do equipo"
O técnico confirmou a modificación do seu contrato, rescindible en 2023 por calquera das partes
Coudet non lle quita a razón a Aspas, pero non quere dar titulares, así que lles devolve aos xornalistas a pregunta de se tamén cre que o Celta perdeu calidade: "Alguén pensa que temos máis que o torneo pasado? E que dixo de raro Iago Aspas?", concedeu o adestrador.
Asegura que ve moitos aspectos positivos no xogo. E que gañar en Almería referendaría o traballo: "Necesitamos gañar. No último partido hai moitas cousas para repetir e defensivamente fixemos un partido perfecto", dixo.
Coudet puntualizou a información que se publicou esta semana sobre a modificación do seu contrato, rescindible ó final desta temporada aínda que se anunciara ata 2024: "Existe esa cláusula de que se algunha das dúas partes quere desfacer o contrato en xuño de 2023, pode facelo.
Non sei de onde saíu a noticia nin por que pero non me perturba, aínda que é un contrato privado", concluíu.
Ademais Coudet explicou que a lesión de Luca de la Torre non lle vai impedir ir ao Mundial. E atención porque Gabri Veiga está na prelista de Luis Enrique, segundo publican varios medios. Non vai nin coa sub-21, pero o seleccionador absoluto xa lle botou o ollo.
