Medra a clientela estranxeira interesada en mercar aldeas galegas ou casas no rural

Cada vez máis persoas doutros países interésanse polo entorno rural galego. No sector inmobiliario nótase un incremento de clientela estranxeira que quere adquirir casas ou mesmo aldeas completas abandonadas.

Nunha destas empresas, especializadas en dotar dunha segunda oportunidade aos inmobles, recoñecen que a clientela de fóra representa o 80 % do seu negocio. Predomina a británica, seguida da americana, de Países Baixos, Escandinavia, Francia e Grecia.

Segundo comentan, nuns casos invisten para converter a propiedade en vivenda habitual e noutros, para poñer en marcha un negocio.