Criadores de ovella galegos aprenden en Francia novas técnicas de manexo e xestión
Criadores de ovella galegos aprenden en Francia novas técnicas de manexo e xestión
Galicia produce menos do 50 % da carne de cordeiro que consome
Relevo xeracional, falta de terreos e convivencia co lobo son retos pendentes
En Galicia consómense anualmente preto de 2.000 toneladas de carne de año, pero só se producen 900. Rematar con ese desequilibrio foi un dos obxectivos dos gandeiros e técnicos que se desprazaron a diferentes rexións de Francia nunha viaxe formativa. Galicia conta con máis de 16.000 explotacións, pero a maior parte son para autoconsumo e só 57 están profesionalizadas. Algo que tamén se quere mellorar a curto prazo aprendendo de experiencias noutros países.
A Borgoña e Lemosín foron dúas das rexións visitadas. Alí están a combater a falta de remuda xeracional con incorporacións de persoas alleas ao sector e levan anos con programas de convivencia entre lobo e gandería. Se ben o sector francés é moi diferente do galego, as experiencias individuais poden ter aplicación aquí.
A viaxe foi financiada pola Axencia Galega da Calidade Alimentaria, que tamén formalizou a compra de exemplares de ovella francesa.
