Varias ovellas e cabras foron vítimas dos lobos en Mondoñedo

Preocupación nos veciños de varias parroquias de Mondoñedo pola actividade do lobo na zona. Nos últimos días producíronse varios ataques en que morreron cabras e ovellas. O desacougo é maior porque os ataques dos lobos producíronse moi preto de casas habitadas.

A Manuel o lobo matoulle tres cabras.  A apenas tres quilómetros de distancia, José observa os cadáveres das tres ovellas que lle mataron.  "O ano pasado matoume cabras e este ano é o segundo que mata ovellas".

Lóxico desgusto pola perda do gando. Pero alarma tamén porque a actividade do lobo se produciu a poucos metros de zonas habitadas. "A menos de cen metros hai casas, con iluminación pública e todo. Non teñen medo ningún".

Os gandeiros piden, unha vez máis, que se tomen medidas para o control da especie.