Cuarta vitoria seguida do Bergantiños grazas ao acerto goleador de Cristian Moreno

O Bergantiños sumou no campo do Ávila a cuarta vitoria seguida. Pasou de loitar por evitar o descenso a pelexar por entrar na fase de ascenso nun mes. Logo de completar un partido moi serio no aspecto defensivo foi quen de derrotar a un dos equipos máis potentes do seu grupo. Marcou o único gol do partido o central Cristian Moreno. O canario leva sete goles no que levamos de campionato.