Daniel Sancho estará en corentena ata o 5 de setembro na prisión de Surat Thani

Daniel Sancho, condenado a cadea perpetua en Tailandia polo asasinato premeditado do cirurxián colombiano Edwin Arrieta, cumpre un período de corentena e seis días na prisión de Surat Thani e non poderá recibir visitas ata polo menos o 6 de setembro, segundo dixo a EFE unha fonte próxima ao caso.

Sancho ingresou o pasado venres na Prisión Central de Surat Thani (sur de Tailandia), á que foi trasladado desde o cárcere de Samui un día despois de ser condenado a cadea perpetua por un tribunal desa illa, unha pena que pode aínda ser apelada ante dous tribunais en Tailandia, incluído o Supremo.

O español, de 30 anos, permanecerá ata o 5 de setembro en corentena, unha práctica habitual nas prisións de Tailandia desde a pandemia de covid-19, e non será ata o día seguinte, como moi pronto, cando poderá recibir visitas presenciais e vídeochamadas, segundo confirmaron a EFE.

Sancho atópase nunha cela con outros presos que están en corentena e se o vindeiro xoves algún deles dese positivo, todos terían que permanecer asilados de novo ata que cada un deles dea negativo, engadiu a mesma fonte.