David Soto "Teño moi boas lembranzas de Riazor. Alí fixemos un partidazo co Compos"

O Pontevedra sumou o primeiro triunfo da temporada goleando o Talavera en Pasarón. O Galicia en goles conversou co central David Soto, que avaliou o encontro e avanzou o que agarda do partido do vindeiro domingo.

"Chegou a primeira vitoria, necesaria para coller confianza e ir con folgos a Riazor para enfrontarnos nun gran partido, con dúas afeccións de primeira. Referenda o traballo destas semanas. A primeira parte foi completa, aínda que na segunda baixamos o ritmo. Sabemos que tivemos erros que noutros partidos con outros equipos poden facernos dano. De Riazor teño moi boas lembranzas, alí fixemos un partidazo co Compostela. Gañamos. Non podemos ir con medo, somos todos xogadores da mesma categoría, por algo estamos en 1.ª RFEF".