Declaran no xulgado 17 mulleres vítimas das gravacións na Maruxaina

Hoxe declaraban no xulgado varias das afectadas polas gravacións da Maruxaina e ratificáronse nas súas declaracións iniciais. Teñen esperanza de que se logre coller todos os responsables destes vídeos que acabaron en páxinas pornográficas.

As vítimas das gravacións da Maruxaina comezaron a declarar por primeira vez ante o xuíz. Foron 17 mulleres as que nesta primeira quenda acudiron ratificar a súa denuncia.

Foi a Audiencia Provincial a que o pasado mes de novembro ordenou reabrir a causa que xa fora arquivada en dúas ocasións polo xulgado de Viveiro.

As gravacións realizáranse nas festas da Maruxaina de 2019 e non foi ata un ano despois cando se coñeceu que máis de 80 mulleres foran gravadas sen consentimento cando ouriñaban nunha zona apartada, uns vídeos que foron subidos a webs pornográficas.

Agora están en marcha outras investigacións para tratar de dar co autor das imaxes.