Denuncian o alcalde de Pol por unha suposta agresión durante un partido de fútbol
Denuncian o alcalde de Pol por unha suposta agresión durante un partido de fútbol
O socialista Lino Rodríguez nega os feitos, pero o árbitro recólleos na acta do partido
Axentes da Garda Civil tiveron que suxeitalo cando o denunciante abandonaba o lugar
Un afeccionado do Portomarín abandonaba a bancada e a Garda Civil agarraba o alcalde de Pol para que non fose tras del. O mozo acusa o socialista Lino Rodríguez de agredilo durante un partido de fútbol.
O mozo achegou un parte de lesións e tamén a acta arbitral, en que o colexiado di que parou o partido por mor desa agresión. O denunciado négao e deféndese asegurando que avisou en varias ocasións de que os afeccionados non podían estar alí por motivos de seguridade.
O alcalde de Pol amosouse disposto a prestar declaración para aclarar os feitos denunciados polo mozo na Garda Civil de Meira.
