Unha muller de Abegondo denuncia verteduras da fosa séptica da casa dos veciños
Unha muller de Abegondo denuncia verteduras da fosa séptica da casa dos veciños
Achaca as humidades na súa vivenda ás verteduras da casa de enfronte e pide un sumidoiro para que non lle entre auga na casa
Olga ten 90 anos e vive soa nunha casa de Freán, en Abegondo, unha vivenda de dúas plantas que percorre con axilidade para ensinar as humidades.
"Empeza a humidade na cima da escaleira e vai ata o final, ao cuarto de baño, coas tubaxes novas, e fóra teño humidades", lamenta Olga Erias.
Achaca o problema ás verteduras da fosa séptica da casa que ten xusto enfronte, ao outro lado da estrada. Queixouse no Concello, na Deputación e mesmo diante do Valedor do Pobo, pero sen a resposta que busca.
"Só quero que se me retire todo iso e que tapen o pozo, porque cando vén a auga vai para aí. Que poñan os sumidoiros e que tapen os pozos".
A outra parte, a familia á que Olga acusa, prefire non falar para non avivar o conflito, pero confésanse fartos de tanta provocación.
