Un camión bate contra unha casa en San Cibrao das Viñas

Un camión bate contra unha casa en San Cibrao das Viñas provocando importantes danos. E non é a primeira vez que pasa. A veciñanza pide que non pasen camións de gran tonelaxe polo medio da localidade.

Varias persoas que saían dun enterro foron testemuñas do momento en que o camión bateu contra a casa.

A propietaria está agora fóra cun fillo. Aos poucos días outro camión volveu colidir contra a súa galería e seguiu circulando. E esta casa non é a única afectada, levaron tamén por diante o balcón da biblioteca.

A veciñanza de San Cibrao pide que impidan o paso de camións por aquí. Dende o Concello de San Cibrao das Viñas din que xa sinalizaron a estrada, que é da Deputación, para advertir que hai un estreitamento mentres non se fagan melloras para desprazar o carril e facilitar así o paso de camións.