Desarticulada en Madrid unha banda que escravizaba sexualmente as mulleres
Desarticulada en Madrid unha banda que escravizaba sexualmente as mulleres
Dúas mulleres liberadas e catro membros da banda detidos
As vítimas da trata eran captadas preferentemente en países suramericanos, aínda que tamén había españolas. Unha vez en Madrid, as mulleres eran recluídas en lugares destinados á prostitución, e sometidas a un réxime moi semellante á escravitude:
As vítimas traballaban 24 horas, os sete días da semana, tiñan que durmir con roupa sensual e estar maquilladas. Non podían rexeitar ningún servizo sexual, e se o cliente non quedaba satisfeito tiñan que facer outro servizo, sen recibir nada a cambio, sinalou a voceira da Policía Nacional.
A operación policial permitiu liberar dúas mulleres e deter catro membros da banda, acusados de trata de seres humanos con fins de explotación sexual.
A Policía ten unha liña gratuíta para denunciar: 900 10 50 90
A Policía Nacional lembra que hai unha liña telefónica gratuíta, 900 10 50 90 e un correo electrónico, trata@policia.es para facilitar a colaboración dos cidadáns, que poden denunciar estes delitos de xeito anónimo e confidencial.
