Detectan medusas veleiro en cinco praias de Ferrol
Detectan medusas veleiro en cinco praias de Ferrol
Non son perigosas, pero recomendan non tocalas porque poderían producir reaccións en ollos, beizos e feridas abertas
O servizo de socorrismo de Ferrol detectou este martes medusas veleiro, 'Aequorea forskalea', nos areais de Doniños, San Xurxo, Marmadeiro, Ponzos e Sartaña.
Esta especie non é urticante nin perigosa, pero, aínda así, Protección Civil recomendou evitar tocalas cos dedos e fregarse despois os ollos, os beizos ou feridas abertas, xa que isto si podería xerar algunha reacción.
O seu aspecto caracterízase pola cor azul e pola lámina en forma de vela que as fai sobresaír da auga. A súa morfoloxía é parecida á da carabela portuguesa, aínda que de menor tamaño.
A Coordinadora para o Estudo dos Mamíferos Mariños (CEMMA) recomendou a súa retirada das praias, algo que xa comezaron a facer operarios do Concello.
