Deteñen dúas persoas en Cedeira por instalar seis plantas de marihuana nun invernadoiro
Deteñen dúas persoas en Cedeira por instalar seis plantas de marihuana nun invernadoiro
Unha denuncia anónima permitiu á Garda Civil dar coa plantación e cos seus responsables
O material incautado estaba en "plena floración" e deu un peso de 2.230 gramos "tras retirarlles os talos e as raíces"
Dúas persoas foron detidas en Cedeira como supostos autores dun delito contra a saúde pública tras unha denuncia anónima pola instalación dun invernadoiro de marihuana, informou este venres a Garda Civil.
O Instituto Armado iniciou as pescudas logo de que a través dunha "comunicación cidadá" alertasen da "posible existencia dunha plantación de marihuana, con exemplares de porte medio, no interior dun invernadoiro".
A investigación para "constatar a veracidade da información recibida" permitiu "localizar a suposta plantación" e identificar o seus responsables, dou veciños da vila.
Os axentes comprobaron que no interior había seis plantas de marihuana, duns 160 centímetros de altura e con "abundantes ramificacións", que estaban "en plena floración", polo que incautaron ese material.
Desde a Garda Civil informan de que na báscula deu un peso de 2.230 gramos "tras retirarlles os talos e as raíces".
