Deteñen un mozo acusado de matar o menor de 11 anos en Toledo

A Garda Civil detivo un mozo español de 20 anos como o presunto autor da puñalada que acabou coa vida dun menor de 11 anos en Mocejón (Toledo) mentres xogaba con outros amigos ao fútbol.

O mozo foi arrestado na casa do seu pai, na propia localidade onde se produciron os feitos e despois de que a Garda Civil despregase un amplo dispositivo de procura. Ante os axentes, o detido confesou o crime.

Os feitos ocorreron na mañá do domingo cando a vítima, Mateo, foi agredido cun obxecto punxente cando xogaba ao fútbol no campo municipal Ángel Tardío onda dous amigos.