Detida unha muller por agredir presuntamente a súa parella e ameazalo de morte cun arpón
Detida unha muller por agredir presuntamente a súa parella e ameazalo de morte cun arpón
O home, de 49 anos de idade, foi trasladado en ambulancia ao hospital para ser tratado das súas feridas, mentres que a muller foi detida como presunta autora dun delito de violencia no ámbito familiar
A Policía Local de Vigo detivo unha muller de 29 anos que, presuntamente, agrediu a súa parella e mesmo chegou a ameazala de morte cun arpón e unha machada.
Os feitos, segundo informou este martes a policía, tiveron lugar a pasada madrugada nun domicilio da rúa Volta. Ata o lugar desprazáronse os axentes alertados dunha forte discusión de parella.
Cando os axentes chegaron á vivenda puideron comprobar que había portas, mobles e cristais rotos en distintas estancias da vivenda. O home mesmo lles explicou que lle rompera os cristais do parabrisas e do portón traseiro do coche cunha pedra. A muller chegou a recoñecer que si agredira a súa parella e causara todos eses danos farta de pedirlle ao seu compañeiro sentimental que se coidase, ao que este facía caso omiso.
O home, de 49 anos de idade, foi trasladado en ambulancia ao hospital para ser tratado das súas feridas, mentres que a muller foi detida como presunta autora dun delito de violencia no ámbito familiar antes de ser trasladada polos propios axentes a un centro médico.
