Detido un redondelán nunha embarcación con 500 quilos de cocaína
Detido un redondelán nunha embarcación con 500 quilos de cocaína
A narcolancha foi interceptada nas Canarias con outras tres persoas a bordo, dous cidadáns marroquís e un colombiano
Catro persoas foron interceptadas preto de Canarias nunha narcolancha que transportaba uns cincocentos quilos de cocaína. Entre os detidos figura un home orixinario de Redondela.
O operativo realizouse a unhas cincuenta millas náuticas da illa do Hierro e foi desenvolvido conxuntamente por Vixilancia Aduaneira, Policía Nacional e Garda Civil.
A embarcación, que se atopaba en mal estado, non puido fuxir ante a presenza das forzas de seguridade e foi conducida este sábado ata As Palmas, onde se pesou a droga.
O galego implicado xa fora detido anteriormente pola Garda Civil. Na lancha interceptada ían tamén dous cidadáns marroquís e un colombiano.
