Detido un home tras caer a súa parella dun quinto andar en Mijas

A Garda Civil detivo un home despois de que a súa parella sentimental falecera tras caer desde o quinto andar dun edificio na localidade malagueña de Mijas. Investigan as circunstancias da morte para determinar se é un novo crime machista.

Segundo fontes próximas á investigación, a vítima foi trasladada na noite do venres a un centro hospitalario pola suposta agresión da súa parella, pero posteriormente non quixo poñer denuncia. O arrestado ten antecedentes por exercer violencia de xénero contra outras mulleres.