Detidos cinco mozos por unha presunta agresión sexual a dúas menores en Xaén
Detidos cinco mozos por unha presunta agresión sexual a dúas menores en Xaén
Un dos arrestados ten 14 anos e outro é reincidente, está investigado por outro delito similar o ano pasado
Catro dos presuntos agresores sexuais, de 18 anos, quedaron en liberdade provisional tras prestar declaración. O outro, que segundo algunhas fontes ten 14 anos, ingresou nun centro de menores.
Ata que se celebre o xuízo, ningún deles se poderá comunicar nin achegarse ás dúas rapazas ás que, segundo denunciaron, agrediron sexualmente neste descampado. Unha ten 15 anos e a outra 16.
O caso descubriu outra presunta agresión sexual na localidade de Los Villares, duns 6.000 habitantes, na provincia de Xaén.
Tan pronto se coñeceu a noticia, unha muller denunciou na Garda Civil que un dos implicados a violara hai un ano. A Garda Civil investiga se pode haber máis casos sen denunciar.