Detidos os sete patróns dun caiuco polo presunto asasinato de catro persoas antes de chegar ás Canarias

A Garda Civil, detivo na illa de Tenerife sete persoas que exerceron como patróns nun caiuco que arribou ao peirao da Restinga, na illa do Hierro, o pasado día 03 de novembro

No caiuco, con 207 migrantes a bordo, foi no que, presuntamente, os patróns asasinaron a catro persoas dous días antes de alcanzar as costas canarias.

#OperacionesGC
Detenidos 7 patrones de cayuco que presuntamente asesinaron a 4 personas 2 días antes de alcanzar las costas canarias
Estaban alojados en el dispositivo de emergencia humanitaria de Las Raíces, en la isla de Tenerifehttps://t.co/YPiHBlTsgd pic.twitter.com/2EuywuZ7Al

— Guardia Civil (@guardiacivil) December 29, 2024

A investigación iniciouse tras os testemuños dos ocupantes do caiuco manifestando que a travesía que realizaran fora un auténtico pesadelo.

Tras as investigacións, os axentes puideron constatar que a embarcación partira inicialmente de Gambia e que realizou unha parada na illa senegalesa de Bassoul, onde subiron a maioría dos ocupantes. Aos tres días de navegación, tres dos patróns, encargados de velar pola orde no interior da embarcación, decidiron tomar represalias contra varios migrantes.
 
O motivo foi, porque un dos ocupantes, posiblemente afectado pola dureza da viaxe, explica a Garda Civil,  sufriu un episodio de desorientación, provocando que os tres patróns o culpabilizaran do infortunio do traxecto, inflixíndolle, a el e aos que o defendían, severas malleiras.

Como castigo, presuntamente decidiron asasinar a catro deles para atemorizar ao resto de migrantes do caiuco, informa a Garda Civil de Canarias
 
Os axentes da Garda Civil lograron identificar a tres das vítimas e xa informou ás respectivas familias grazas aos mecanismos de cooperación internacional, do falecemento e tamén sa detención dos presuntos responsables. Para iso desprazouse un membro da Garda civil destacado nesa zona do continente africano e persoal da Xendarmería Nacional Senegalesa.

Sobre a cuarta vítima, actualmente estanse realizando xestións para pescudar a súa identidade e poder contactar cos seus familiares.
 
Do grupo de migrantes que alcanzou as costas da illa canaria, un deles, tivo que ser trasladado ao hospital onde foi sometido a unha intervención cirúrxica debido a unha profunda ferida que presentaba no tórax, e que podía ser compatible cunha puñalada, informa a Garda Civil das Canarias.