Día histórico no Porriño, coa estrea en Europa do Conservas Orbe Zendal

O Conservas Orbe Zendal afronta o seu debut histórico na European Cup, “que moita xente sementou”, con pouco tempo de preparación.

Pasaron 37 anos desde a fundación do Club Balonmán Porriño, hoxe emblema e orgullo da localidade; 28 desde o primeiro ascenso a División de Honra do seu primeiro equipo feminino e 14 desde que regresou a esa categoría para non descender máis, nunha traxectoria ascendente.

Este camiño alcanza esta tarde (20:30) un fito: o debut internacional. A primeira eliminatoria da EHF European Cup contra o campión italiano, o Brixen Sudtirol, completarase o domingo (12:30) no mesmo pavillón grazas a un acordo entre entidades.

Isma Martínez: "Confianza ningunha, non é un agasallo. Pero a nosa liga é máis forte. Hai opcións"

Sendo tan esperado, o dobre enfrontamento chega con escasa preparación específica. A EHF European Cup, creada en 2000, converteuse nun territorio propicio para o balonmán feminino español. O Rocasa Gran Canaria encabeza a súa palmarés, con tres títulos.

O porriñés @claudiogiraldez non quereu perder a oportunidade de mandarlle unha mensaxe as nosas xogadoras do Conservas Orbe Zendal Bm. Porriño.

O adestrador do @RCCelta sabe da importancia deste momento tanto para as nosas xogadoras coma para o clube.#aportadeeuropa pic.twitter.com/Q5PrexR8WK

— Club Balonmano Porriño (@BmPorrino) October 2, 2024