Dous feridos leves ao caer un coche desde a muralla do Parador de Baiona

Un coche que transitaba polo Parador de Baiona precipitouse esta tarde e rompeu as ameas da muralla que percorre a estrada e forma parte da fortaleza. Os dous homes que ían dentro do vehículo quedaron feridos leves e saíron polo seu propio pé tras o accidente.

A Garda Civil e unha ambulancia acudiron ata o lugar dos feitos, e as dúas persoas afectadas foron trasladadas ao hospital. O incidente puido estar ocasionado por unha posible confusión cos pedais, xa que se atopaban na zona de estacionamento do Parador de Baiona.