Dous artistas galegos loitan por pasar á fase final dos Grammy

É posible que Galicia estea presente na vindeira edición dos Grammys, en 2025, da man dos DJ e produtores Frisco Taibo e Marcos Peón.

Estes dous artistas optan ao premio da mellor gravación Dance Pop co sinxelo Romance, que presentan canda a cantante norteamericana Nikkole.

Ambos os dous produtores forman un equipo cunha vintena de sinxelos e con máis de vinte anos facendo bailar á xente.

O 8 de novembro coñeceranse as cinco candidaturas que pasarán á fase final dos Grammy, nunha categoría que na última edición tivo como finalistas a David Guetta ou á gañadora, Kilye Minogue.