Dous mortos nun hotel de Medinaceli por unha posible intoxicación de gas
Dous mortos nun hotel de Medinaceli por unha posible intoxicación de gas
Os falecidos, de 47 e 51 anos, residían en Barcelona
En Medinaceli, Soria, atopan mortos un home e unha muller na habitación dun hotel. A Garda Civil investiga as causas do falecemento pero todo indica que un escape de gas parece estar detrás deste suceso. Os falecidos, de 47 e 51 anos, residían en Barcelona.
Segundo fontes da Subdelegación do Goberno, na mañá deste sábado recibiuse unha chamada do 1-1-2 á Garda Civil na que se informaba de que había dúas persoas inconscientes na habitación do establecemento, na que se percibía un forte cheiro a gas.
Tras a alerta, desprazáronse ata o lugar do suceso axentes da Garda Civil de Soria, Bombeiros da Deputación de Soria e unha ambulancia de soporte vital básico con persoal sanitario de Atención Primaria do centro de saúde de Arcos de Jalón.
A Garda Civil de Soria realiza as dilixencias pertinentes para aclarar o sucedido; de momento non se descartan ningunha hipótese.
