Dous presos fuxiron do cárcere de Aranjuez durante unha excursión

Dous presos fuxiron do cárcere madrileño de Aranjuez.

A Policia Nacional busca dende o mércores dous reclusos que escaparon durante unha excursión cultural con máis de dez internos.

Tras a visita ao Palacio Real da localidade, os dous homes aproveitaron un descoido para escapar do restaurante onde comían. Ao parecer, a directora da prisión estaba presente no establecemento cando se produciu a fuxida. Os dous atopábanse en segundo grao.