Dúas persoas feridas tras envorcar un coche en Fene
Dúas persoas feridas tras envorcar un coche en Fene
O 112 informou de que o vehículo saíu da vía e unha das persoas afectadas tivo que ser liberada
Produciuse nas inmediacións do cuartel da Garda Civil do municipio fenés, no lugar de Chamoso
Dúas persoas quedaron feridas como resultado dunha saída de vía rexistrada este venres en Fene (A Coruña), tras a que o vehículo envorcou, segundp informou o 112 Galicia, que detallou que unha das persoas afectadas tivo que ser liberada.
Emerxencias asegurou que o accidente ocorreu arredor das 14:10 horas á altura do quilómetro 29 da estrada N-651, nas inmediacións do cuartel da Garda Civil do municipio fenés, no lugar de Chamoso.
O departamento autonómico coñeceu este suceso grazas a un aviso dun particular, que indicou que o turismo envorcara e que había dúas persoas no seu interior, polo que se mobilizou a Urxencias Sanitarias de Galicia-061 e aos bombeiros de Ferrol.
Ademais, o 112 Galicia informou a Policía Local de Fene, o servizo de mantemento da vía e o Grupo de Emerxencias Supramunicipal (GES) de Mugardos (A Coruña), cuxos efectivos excarceraron a unha das persoas que viaxaba no vehículo.
