Empate a nada no Vao (0-0)

O Coruxo e o Valladolid Promesas xogaron un partido que non pasará á historia. Moito respecto por parte dos dous equipos, que gozaron de poucas oportunidades para mover o marcador. O empate final (0-0) foi un resultado que fixo xustiza. Para ver o mellor do partido houbo que agardar ao treito final. Jorge Delgado polos visitantes e Al Watani para o equipo vigués puideron desnivelar a balanza pero ningún dos dous acadou o obxectivo de marcar.