Empeza setembro e, para moitos, o momento de volver ao traballo e ás ocupacións

Había máis movemento de maletas do habitual ás portas dos hoteis na mañá deste domingo. Empeza o mes de setembro e, para moitos, é o momento de volver ao traballo.

"Son profesor e vou coas baterías cargadas para o novo ano lectivo que se aproxima".

"Con espírito de querer regresar con máis calma e visitar algunhas cousas que nos quedaron por ver. E estamos ben, relaxados".
 

Hai quen  sofre polo remate das vacacións, pero tamén quen desexa volver á rutina.

"A volta ao traballo vai ser moi dura porque acabamos de rematar o Camiño de Santiago, que foi todo esforzo, pero con ganas de empezar setembro".

"Foron 7 días, unha semana, pasámolo moi ben, pero estamos cansadas. Necesitamos unhas vacacións das vacacións".

Outros afortunados aínda poden prolongalas.

"Estivemos aquí catro días. A cidade incrible. Somos do Río de Xaneiro, do Brasil. Estamos coñecendo Europa e moi felices de estar en Santiago de Compostela, que é moi famoso no Brasil".

"De aquí vou seguir viaxe por España e despois vou para Tailandia".

Nos hoteis confirman que agora a tempada alta prolóngase ata setembro. E mesmo en outubro contan con ter cifras de ocupación elevadas.