Empregarán un dron para o proxecto de rehabilitación da Torre dos Moreno, en Ribadeo
Empregarán un dron para o proxecto de rehabilitación da Torre dos Moreno, en Ribadeo
As imaxes do dron axudarán a completar o proxecto de rehabilitación do edificio
Esta mansión indiana, no centro de Ribadeo, podería converterse nun hotel
A agardada restauración da Torre dos Moreno, en Ribadeo, sofre un novo atraso. Agora o empresario que comprou esta xoia da arquitectura indiana para convertela, posiblemente, nun hotel terá que empregar un dron para lograr imaxes da situación real do inmoble.
Deste xeito cumprirá as esixencias para obter o visto e prace de Patrimonio e para que o Concello outorgue a licenza. A Torre dos Moreno data do ano 1915 e foi deseñada con moitas influencias de Gaudí.
Foi adquirida por unha empresa asturiana especializada en rehabilitar edificios señoriais para convertelos en hoteis. Un estudo realizado xa en 2015 cifraba en cinco millóns de euros o investimento necesario para restaurala.
