En Zarracós, no concello da Merca, xa hai máis gatos que veciños

Luns ao sol en Zarracós. Veciños ningún, os bancos son para os gatos. Calculan que máis de 70 felinos silvestres andan pola aldea, métense en casas alleas e fan estragos.

Nesta aldea do concello ourensán da Merca hai máis gatos que veciños. Piden ao Goberno local que os esterilice para frear a sobrepoboación. Din que derraman as hortas e os sementeiros, que se meten nas casas e que o cheiro é insoportable. 

Máis gatos que veciños que, como acontece en todo o rural ourensán, van a menos, mentres os gatos non deixan de multiplicarse.