Eneko Jauregi, un canón para o ataque do Racing
Eneko Jauregi, un canón para o ataque do Racing
O dianteiro vasco chega libre despois de rematar contrato coa S. D. Amorebieta
Na tempada pasada marcou sete goles e deu dúas asistencias
![Eneko Jauregi loita polo balón ante o Sporting de Xixón. SD AMOREBIETA](https://img-g24-crtvg.flumotion.com/prog24/2024/20240718/GJcJP9ZW0AAvRN5.jpg)
O barco do Racing de Ferrol ten un novo canón para romper as redes dos rivais. Eneko Jauregi chega á cidade ferrolá dende a S. D. Amorebieta, equipo no que foi máximo goleador con sete goles, que acompañou con dúas asistencias. O de Muxika chega despois dunha ampla traxectoria en España e unha aventura na primeira grega, no Asteras Aktor.
Jauregi formouse nas categorías inferiores do Gernika e da Real Sociedade e xogou na segunda nas filas do Córdoba. Co Amorebieta, volvía á categoría de prata e certificaba o seu bo momento de forma con goles. Un deles, o único que marcou na Copa do Rei, foi ante o Celta, na vitoria dos celestes por dous a catro.
O vasco convertese na novena fichaxe do Racing e na terceira da parcela ofensiva despois das incorporacións de Christian Borrego e de Josué Dorrio. O cadro de xogadores colle forma de cara á próxima tempada, na que tentará repetir o bo rendemento da pasada campaña.