Escaseza de sardiña a pouco máis de dúas semanas para o san Xoán
Escaseza de sardiña a pouco máis de dúas semanas para o san Xoán
Pouca sardiña, mediana e a cinco euros o quilo
Os vendedores confían en que para a noite meiga haxa abundancia e a bo prezo
"Cantidades tolas, non... pero esta semana e a pasada levo traendo sardiña todos os días, unha caixa que pode traer uns vinte quilos". "Sardiña, sardiña... dun quilo doce sardiñas, moi pouca".
Os vendedores intentan buscar o motivo desta escaseza.
"Ao haber bonito e peixe espada, comen a sardiña tamén".
O que si teñen claro é que se non hai nos mercados galegos, tampouco nos portugueses que, outros anos, xa estaban facendo provisión deste peixe azul para a celebración do santo Antonio o próximo 13 de xuño.
"Eles tampouco teñen, se non claro que non influiría. Pero non hai".
Con todo, confían en que para o san Xoán a sardiña poida mollar o pan.
"Quedan dúas semanas... Malo será".
E o prezo dependerá da cantidade que haxa.
"Xa están preguntando a como as imos vender. Pero iso non o sabemos..."
E no caso de non haber... sempre haberá alternativas.
"Alternativas moitas... xurelo, xouba... que están moi saborosos. A xente non vai quedar sen comer, eh?!"
